貓貓摺手（又叫農夫手）係咩意思？原來係因為呢 4 個原因：覺得有啲凍、唔好搞我住我想靜靜地、覺得好安心呢度好安全、話俾奴才知我愛你！
不過以上呢四種貓貓摺手嘅情境，又要點樣分辨呢？一齊嚟睇下關於貓貓摺手嘅詳細解說啦！
貓貓摺手原因 1｜覺得有啲凍
因為貓貓嘅肉球有排汗、散熱功能，所以凍嗰陣將對手摺埋壓喺身下面，就可以有保暖、維持體溫嘅效果㗎喇！
貓貓摺手原因 2｜唔好煩我住，我想靜靜地！
當貓貓摺手再加埋飛機耳、大力甩尾或者瞇埋眼打瞌睡嗰陣，就代表佢而家暫時唔想同人交流住，等貓貓充飽電再搵佢哋玩啦～
貓貓摺手原因 3｜覺得安心，呢度好安全～
因為貓貓摺手之後好難即刻走佬（逃跑），通常貓貓只會喺覺得安全、無危險嘅環境之下先會摺埋對手㗎！
貓貓摺手原因 4｜偷偷地同你示愛
當貓貓摺埋手趴喺你身上嗰陣，就代表有你喺度嘅地方超級放心！亦即係傲嬌嘅主子偷偷地同你示愛：奴才！我！愛！你！
Sale!
