Tom & Jerry、史力加鞋貓係咩品種？5 大經典卡通貓身世解密

仲記唔記得細個睇嘅卡通片入面嘅貓咪角色？好似《寵物小精靈》嘅喵喵、《Tom & Jerry》嘅 Tom、《仙履奇緣》嘅路西法、《史力加》嘅 Puss in Boots 等等，其實呢啲卡通貓都有各自嘅品種㗎！

火箭兵團嘅喵喵原來大有來頭，佢係挪威森林貓嚟㗎！挪威森林貓係一種大型而且健壯嘅貓種，以濃密嘅雙層毛皮同優雅嘅外表著稱。佢哋性格溫和、友善，仲有強大嘅狩獵本能，可以適應寒冷嘅天氣。

喵喵頭上面個金幣叫做「小判」，小判係日本古代嘅金幣，個樣好似一塊扁平嘅金葉。以前係用嚟交易嘅寶物，即係古代嘅「黃金銀紙」咁樣！

英國短毛貓係一種圓面、大眼嘅可愛貓咪，擁有柔軟厚實嘅毛皮同穩重、友善嘅性格。佢哋非常獨立，又可以同屋企人融洽相處，係理想嘅寵物伴侶，但同鍾意搗蛋嘅 Tom 似乎有啲唔太夾喎。

貓奴必讀：貓咪品種個性大不同？8 種常見品種貓百科

《仙履奇緣》嘅反派路西法竟然係波斯貓！波斯貓係以長而濃密嘅毛同扁平嘅面部特徵聞名嘅貓種。佢哋通常性格溫和又靜，係典型嘅室內貓，適合鍾意安靜環境嘅家長。

虎斑貓（Tabby Cat）係一種以身上有獨特條紋或者斑點花紋而聞名嘅家貓。佢哋通常活潑好動，適應力強，係家庭中常見嘅貓咪之一。唔怪得之 Puss in Boots 身手咁矯健啦！

Hello Kitty 係來自日本嘅卡通角色，以簡單嘅白色貓咪形象同紅色蝴蝶結著稱。佢象徵住可愛同友誼，成為咗全球流行文化嘅代表之一。不過 Sanrio 官方曾經公開證實，Hello Kitty 其實係人類小女孩，只不過塊面長咗鬚咋。