邊款貓系男友最想帶返屋企？橘貓係大暖男，賓士貓竟然係外星人？

每次喺度幻想理想男友條件嗰陣，個腦都係一片空白，殊不知最完美嘅對象一直喺自己身邊！
原來我家主子變身做男友會係咁樣㗎！你屋企位主子又係邊種「貓系男友」呢？係大胃王橘貓、型酷黑貓、純情白貓、悶騷虎斑，定係神經質嘅賓士貓？邊款貓系男友你最想帶返屋企「私藏」？

橘貓系男友內心 OS：我眼中除咗嘢食，全部都係你～
屋企嗰隻「大橘為重」係咪每次食完自己碗糧，就會即刻行過嚟黐住你？除咗貪食，其實橘貓系男友嘅分享欲超級強！！！
每次見到你就會開始「鵝」個不停，恨不得將今日遇到嘅所有細節，由朝到晚發生咩事都話晒畀你知～

虎斑貓系男友簡直就係典型嘅金牛座性格！
平時份人好悶騷又成日口是非心，同佢講想食朱古力，佢把口就話：「咁肥食咩呀？」，點知放工返嚟就默默買咗盒畀你…面對呢種反差萌，叫人點樣唔愛佢姐～

雖然塊面寫住「生人勿近」好似好 Cool 咁，但黑貓系男友其實係「細節控」，會將你嘅一切記到清清楚楚！
例如你幾時 M 到、鍾意食邊間餐廳、飲凍定熱、有咩癖好等等，佢記得仲清楚過你自己，呢種極致溫柔真係好難抗拒！

貓奴必讀：睇到黑貓代表咩？養黑貓有禁忌？拆解各國黑貓神祕傳說

You are my sunshine, my only sunshine…
賓士貓（黑白貓）男友絕對係生活入面嘅小太陽，每次見到佢都會情不自禁笑出嚟。
不過佢哋有時真係鬼靈精怪到好似外星人咁，思維跳躍，總係會做出啲令你意想不到、笑到噴飯嘅無厘頭嘢！

小編相信每個女仔心中，都會有個言情小說男主角：霸道總裁。
白貓系男友平時雖然好有個性、需要好多個人空間，但只要佢決定陪你，就會將所有注意力放晒喺你身上。喺外人面前冷酷無情，喺你面前先會展現出幽默風趣嘅一面。

貓奴必讀：由貓咪花色睇性格？8 種常見貓咪花色圖鑑