主子用品堆成山？剷屎官必睇嘅收納整理術：好拎、防潮又美觀！

貓砂、罐罐、乾糧、主子零食……貓咪用品多到唔知點收！

過年大掃除、收納整理必睇！主子啲嘢堆到好似座小山咁，唔知點收納先至最整齊、好拎又好睇？咁你就絕對唔可以錯過呢篇「貓咪用品收納美學」，各位剷屎官快啲拎紙筆做筆記喇～

用儲物櫃代替紙箱嚟收納貓砂，美觀得嚟又唔佔空間；至於剩返落嚟嘅紙箱，仲可以另外佈置成貓竇或者遊戲間添！

將已經開咗封嘅各種零食包裝、瓶瓶罐罐嘅保健品放入密封保鮮盒，唔單止可以防潮，望落仲好整齊又美觀～

利用碗碟架取代碗、盤等餐具疊埋一齊擺放，既方便晾乾又安全，仲好容易辨識、拎嘅時候亦更順手～

利用收納盒同櫃仔取代原本嘅乾糧大包裝袋同罐頭紙箱，美觀又防潮，而且唔同口味一目了然，餵餐嗰陣就唔使慢慢搵！