養貓噴香水隨時搞到主子肝衰竭？柑橘、薄荷味係大忌

貓貓嘅嗅覺系統同代謝功能同人類完全唔同，某一啲對人類無害嘅氣味，對貓貓嚟講可能係劇毒。

曾經有奴才誤信殺蟲水包裝上寫住「寶貝毛孩都放心」嘅標語，令主子暴露喺含有除蟲菊成分嘅環境入面，搞到毛孩短時間內出現口吐白沫、劇烈抽筋等神經中毒症狀。

雖然呢件事唔係由香水引起，但亦都提醒我哋，部份人用產品對貓貓可能會造成致命威脅，所以各位家長揀選產品時一定要好小心。

大多數獸醫建議，盡量避免喺貓貓周圍使用香水，否則可能引發敏感、打乞嗤、流口水、嘔吐或肚痾等反應。雖然香水同古龍水嘅危害性略低於純精油，但都絕對唔可以直接噴喺貓貓身上，或者佢哋成日接觸嘅物品（如貓床）上。

貓貓嘅肝臟缺乏負責「葡萄糖醛酸結合反應」嘅酵素，因此無法順利代謝部份有機物質，包括常見嘅香氛成分（如酚類、萜烯類等）。

呢啲物質未經稀釋或長期接觸，會累積喺體內，進而引發慢性中毒或器官受損，特別係肝臟同腎臟。

高風險與禁忌成分（貓咪不能聞）：

 
• 化學物質：苯酚、樹脂、有機溶劑、合成麝香等。

 

• 精油與植物萃取：茶樹、薄荷、柑橘類（含檸烯）、尤加利、松針、肉桂、丁香、冬青、薰衣草、雪松、茉莉、洋甘菊、廣藿香、檀香、佛手柑、鼠尾草等。

 
• 行為異常：精神差、唔食嘢、焦躁、甚至匿埋唔見人。

 

• 呼吸系統：打乞嗤、流眼水、咳、喘氣、鼻塞、呼吸困難。

 

• 消化系統：流口水、嘔吐、肚痾。

 

• 神經與嚴重症狀：行路腳步浮浮、打冷震（顫抖）、體溫低、心跳變慢、抽筋（癲癇）或昏迷。

 
• Step 1：即刻打開窗令空氣流通。

 

• Step 2：將貓貓移去通風良好嘅地方，觀察佢嘅反應。

 

• Step 3：如果香水沾到貓毛，可以用溫水同中性寵物用梘液清洗，避免貓貓舔到。

 

• Step 4：切勿自行催吐或亂餵藥，應立刻聯絡獸醫，並提供產品成分資料畀醫生參考。

 
• 噴香水時要遠離貓貓，避免佢哋直接接觸或吸入。

 

• 噴完香水後，先通風等氣味散去，先好畀貓貓入房。

 

• 噴完香水後，避免即刻同貓貓有肢體接觸（抱/錫）。

 

• 唔好喺傢俬、地毯等貓貓可能接觸嘅物品上噴灑。

 
• 盡可能選用無香或標明「寵物友善」且通過第三方檢測嘅產品。

 

• 觀察貓貓對氣味嘅反應，如果出現不適（如打乞嗤）就要立即停止使用。