去貓尿味有絕招！貓咪尿床點算？3步徹底去味防亂屙

貓咪尿床點算好？小心用錯清潔劑會開啟貓咪亂屙尿嘅惡性循環之路…

究竟貓尿嘅臭味點嚟？正確清理步驟唔單止可以去貓尿味消除異味，仲可以減少貓咪再返去原地屙尿標記嘅機會。清潔劑點揀、正確清理步驟以及阻止亂屙嘅小貼士一次過話你知！

新鮮尿液其實無明顯臭味。但是隨著時間過去，細菌分解尿液產生「氨、硫醇」等臭味氣體分子，所以會令我哋感覺到明顯嘅臭味（類似阿摩尼亞味）！

如果無及時清理或用錯清潔方式，氨味等臭味氣體留存，會吸引貓咪再去相同地方屙尿標記（霸地盤），導致亂屙尿問題惡性循環！

貓奴必讀：點解貓咪亂屙尿？貓亂屙尿 3 大可能原因、解法

當你發現貓咪喺你張床亂屙尿，先唔好發火住，趕快遵照以下三步驟清潔，減少居家空間貓尿臭味嘅殘留啦！

避免尿液擴散、滲透，用吸水力強嘅紙巾（如廚房紙）先將多餘尿液吸走。

注意！千祈唔好用擦拭嘅方式！以免令尿液擴散到更大範圍。

喺沾染尿液嘅地方噴灑、浸泡適當嘅清潔劑約 15 – 30 分鐘「分解、中和」尿液成分，避免細菌作用產生臭味。

• 正確清潔劑：寵物專用酵素清潔劑、白醋、梳打粉（小蘇打）。利用酵素分解或中和尿液中易產生臭味嘅成分，達到真正除臭效果。
• 錯誤清潔劑：含「氨」清潔劑，常見玻璃水、地板水或潔廁液。因為這類清潔劑散發嘅氨氣味同貓尿好似，會再吸引貓咪返去相同地方屙尿標記，造成亂屙問題再次發生。

布類或衣物經以上步驟後，可用一般洗衣程序清潔、晾乾；地毯、床單及梳化等則可局部清潔晾乾即可。

建議重複以上步驟幾次直到完全無味為止！

可以試下將貓咪容易亂屙尿嘅地方轉變成玩耍、食嘢嘅地點。因為貓咪嘅天性會將排泄與這些地點分開，降低貓咪喺同一地點亂屙尿嘅機率。

放置錫紙（鋁箔紙）、膠網墊等貓咪唔鍾意踩嘅材質，降低貓咪去相同地點嘅意欲。

若係屋企貓咪有地盤競爭、焦慮嘅問題，可以適度噴灑費洛蒙，舒緩緊張、焦慮嘅情緒。

• https://www.petmd.com/cat/general-health/how-to-get-rid-of-cat-pee-smell