想養貓但唔識揀？英短定美短好？盤點8大主子性格！

貓個性同品種有關？其實從貓咪嘅品種就可以睇出個性㗎！例如：緬因貓號稱最溫柔嘅巨人、曼基貓係外向嘅好奇寶寶、暹羅貓係聰明嘅大聲公、布偶貓係唔怕生嘅狗仔貓……

超凝本次整理咗八個香港常見嘅品種貓個性解析，一齊嚟認識更多貓咪啦！

暹羅貓個性：愛傾偈嘅大聲公，聰明愛玩更愛主人！

 
• 原是泰國皇室貴族貓，喺泰國被稱為「月亮鑽石」

 

• 食極唔肥嘅好身材，體溫低嘅部位顏色越深，養大好似拆盲盒咁

俄羅斯藍貓個性：我係慢熱唔係冷漠，等我信任你再搵你傾。

 
• 觀察敏銳、學習力強，自己好安靜亦鍾意安靜嘅地方

 

• 唔鍾意改變，有自己嘅貓生規劃，只鍾意自己認可嘅人

美國短毛貓（美短）個性：膽大愛玩嘅百厭星，嘢無收好都係我嘅。

 
• 適應能力好、好奇心強，見到咩都想玩一下

 

• 活潑開朗又獨立，無空陪佢玩都能夠自己搵樂趣

英國短毛貓（英短）個性：手圓面圓眼睛圓，只係毛蓬鬆才唔係肥。

 
• 包容力強，情緒嚟得快去得更快，對大家都無敵意

 

• 隱忍內斂有禮貌，係與世無爭嘅小紳士、淑女

緬因貓個性：外表高冷內心柔軟，望住你係想保護你。

 
• 溫和友善卻不失穩重，貓界傳說中「最溫柔的巨人」

 

• 智商高、學習力強，唔愛主動撒嬌但都默默關心、守護主人

布偶貓個性：唔怕生，比較怕寂寞，黐人愛撒嬌嘅狗仔貓。

 
• 個性叫聲都好溫柔，對陌生人無敵意，在美國又被稱為「Puppy Cat」

 

• 自帶仙氣嘅長毛大公仔，主人才知道佢古靈精怪嘅反差萌

曼基貓（Munchkin，又稱曼赤肯）個性：貓界低底盤跑車，小短腿依然跑得超快。

 
• 親人外向，同邊個都能和平相處，黐人撒嬌技能點滿

 

• 反應快、好奇心強，小短腿結實有力，動作快速又敏捷

孟加拉貓個性：勇敢自信嘅捕獵高手，天生不羈放縱愛自由。

 
• 精力充沛、好奇心強，因身上帥氣豹紋又被稱為「豹貓」

 

• 鍾意探險、勇於挑戰，獨立卻友善親人嘅貓界親善大使

貓奴必讀：從貓咪花色睇個性？8 種常見嘅貓花色圖鑑