貓肉球有咩用？聞落似爆谷味？5個肉球秘密及保養術

軟淋淋嘅肉球真係令人好想吸一啖！貓咪肉墊陣味點嚟？肉球顏色、功能有邊啲？肉球應該點樣保養？五個貓奴唔知道嘅肉球小秘密，一次過話你知～

你知道嗎？貓咪前後腳嘅肉墊有專屬名稱㗎！前腳肉球分成：指球、掌球及手根球；後腳肉球主要分成趾球及足底球。

行路或跳躍時，柔軟嘅肉球幫助吸收壓力衝擊，保護關節。

肉球包含汗腺，會分泌汗水協助散熱、調節體溫（貓咪主要靠肉球散熱）。

肉球有許多神經提供感覺資訊，如：溫度、壓力、震動等，有助於狩獵、維持平衡。

貓咪肉球嗰種天然爆谷味（或者有人話似冬瓜茶味），其實係來自肉掌常在嘅細菌、真菌，結合貓咪口水及汗水綜合而成。這個味道係正常健康現象，唔使太過擔心。

貓咪肉球主要有黑色、粉色、豆沙色及混合色，顏色受到黑色素含量影響，花色淺嘅貓肉墊多數係粉色，花色深則多數係黑色或豆沙色！

貓咪肉球同鼻哥嘅顏色通常係一樣㗎～不過肉球顏色會隨時間產生變化，因此可能還是會有顏色差異。

相較於狗狗，貓咪肉球表面凸起少（接觸面大），腳部血管熱交換速率較差，因此肉球唔耐冷且容易凍傷。要避免畀貓咪喺極凍嘅地板或雪地行走呀！

幼貓飲奶時期，開合腳掌踩奶可以幫助奶水分泌，因此開掌會同奶水、滿足嘅感覺連結，長大後貓咪開心滿足時都會開掌花（踩奶）㗎～

防止藏污納垢、細菌過度滋生，尤其是用完貓砂盤後。

防止指甲倒插拮入肉球，修剪腳毛（腳底毛）可以幫助散熱、止滑，避免貓咪喺屋企滑倒。

防止受傷、燙傷或凍傷。

肉球睇落可愛，但其實有好多實用功能而且非常敏感！居家照護嘅時候記得唔好忽略貓咪肉球這個部位，讓我哋用行動一齊守護可愛軟嫩嘅肉球啦！

貓奴必讀：貓咪耳仔聽力係人類嘅幾倍？貓耳構造、清潔指南

貓奴必讀：貓咪摺手手好可愛？貓咪摺手 4 個意思解讀