貓咪去完廁所即爆衝？解便 High 6 大原因！原來係太爽？

你有冇見過貓貓從貓砂盆出嚟之後，突然間好似癲咗咁瘋狂爆衝，喺屋企狂奔、彈跳、跳上跳落？

這種行為被稱為「解便 High」，學名叫做狂亂隨機活動期（Frenetic Random Activity Periods, FRAPs）。

除咗發生喺年輕貓貓身上，偶爾都會喺中、老年貓貓身上見到。

咁點解貓貓會咁樣？到底係去得太爽、太興奮，定係有其他唔舒服呢？即刻嚟睇下啦！

如果貓貓排便感到唔舒服，例如肛門痛、或者有膀胱炎等疾病，就有可能喺排便後即刻爆衝、逃離「危險現場」，這是一種天生嘅逃避反應。

家長可以留意，貓貓有無出現便秘、肚屙、排便困難、便便異常或頻繁舔肛門等行為，並喺必要時帶去獸醫診所檢查。

大家都明去完大便嗰種無屎一身輕嘅舒暢感，而貓貓可能會比我哋更加放大這種快樂。

根據研究推測，貓貓排便可能刺激迷走神經，產生短暫嘅欣快感，導致貓貓突然開啟 High 爆模式。不過呢個理論仲有待更多研究喔！

眾所周知，貓貓係出名嘅潔癖動物，對氣味、觸感都非常敏感。

當貓貓排便後覺得貓砂盆太臭、太污糟，就會選擇馬上離開呢個「不潔」之地。

特別係用封閉式貓砂盆、或者貓砂盆清潔頻率唔夠時，貓貓嘅表現可能會更強烈啲。

超凝小姐奶油吐司貓砂盆，開放式大空間，貓貓去完廁所再都唔會爆衝到天邊 👇🏻

貓貓係獵人亦係獵物，屙出嚟嘅排泄物會留低氣味，可能吸引其他動物注意。

因此貓貓喺排便後迅速逃離現場，係源自於野外祖先嘅本能。

尤其大便比小便需要更長時間、身體更放鬆，爆衝頻率亦比較高。

亦有另一種理論認為，貓貓爆衝係為咗留低自己氣味、標記存在感。

由於排便本身係種氣味訊號，加上貓貓喺活動時會透過腳板底腺體釋放氣味，因此跑動也就成咗「氣味巡邏」嘅一環。

喺幼貓時期，貓媽媽會幫手舔屁股、照顧如廁後嘅清潔。

當貓貓長大識自己處理後，衝出貓砂盆嘅動作，亦可能係一種「我唔駛照顧啦！」嘅自信展現，象徵獨立與成長。

大部分情況下，只係貓貓排便後嘅正常能量釋放，唔駛過於擔心。

但若觀察到以下狀況，就要多加留意。如果出現異常行為或便便狀況持續不穩時，則建議進一步諮詢獸醫。

 
• 排便時叫喊或掙扎

 

• 便便過硬、過軟或有異味

 

• 便便中有血或黏液

 

• 經常舔肛門或拒絕用貓砂盆

打造一個能讓貓貓安心去廁所嘅環境，有助於減少貓貓排便時嘅焦慮與不適。

 
• 貓砂：挑選低粉塵、高凝結、高除臭嘅貓砂

 

• 貓砂盆數量：以「貓貓隻數 + 1」為原則

 

• 貓砂盆位置：分散放置且遠離吵雜、多人行嚟行去嘅區域

 

• 定期清潔貓砂盆，保持乾淨無異味

超凝小姐益生菌除臭豆腐砂，低粉塵、速凝結、超除臭，讓去廁所變成一種享受 👇🏻

雖然貓咪解便 High 嘅行為，有啲難以理解，但背後卻藏著佢哋嘅天性與需求。 只要觀察細節、維持舒適環境，就能讓貓貓安心排便、盡情爆衝啦！

 
• https://www.rover.com/blog/cat-zoomies-after-litterbox/

 

• https://www.sciencefocus.com/nature/cat-zoomies-pooping

 

• https://tw.petbucket.com/blog/65570/why-does-my-cat-get-the-zoomies-after-pooping.html

 

• https://www.torontohumanesociety.com/why-do-cats-get-the-zoomies-after-they-poop/

 

• https://vethelpdirect.com/vetblog/2022/07/28/why-does-my-cat-zoom-after-pooing/